સખીરી ! આજ પવનમાં ઓગળવાના
જાગ્યા અનહદ કોડ ,
સખીરી ! અધકાચેરી સમજણ ઝંખે
ભીનપ વરણો મોડ
ટપક ટપક ટપ.. ટપકે ઝીણી પેંજણથી થર્રાટી
અબર્ખીયા કાગળની થર..થર થરકે રે રુવાંટી
સખીરી ! ચોક વચોવચ કોણ પ્રવેશી
કરતું દોડમદોડ ?
સખીરી ! આજ પવનમાં ઓગળવાના
જાગ્યા અનહદ કોડ ,
તૂટે, નીંદર સાથે આંખો કરતી ખાંખાંખોળા
બાથ ભરું ‘ને છટકે, કાળા અંધારાના ઓળા
સખીરી ! પડી રહું નઘરોળ નીરખતી
શમણાં સોળ કરોડ !!
સખીરી ! આજ પવનમાં ઓગળવાના
જાગ્યા અનહદ કોડ ,
No comments:
Post a Comment