સઘળા પછી
જે કૈં વધે
તે શેષમાં સાહેબ !
મેં પણ સતત શોધ્યો તને અવશેષમાં સાહેબ !
સીધા
કથનમાં કે ઉવાચું
શ્લેષમાં સાહેબ !
છે
આપવીતી સર્વથા આશ્લેષમાં સાહેબ !
ના થઈ ઠરીને ઠામ વહેતી નાડીઓની ચડ-ઉતર
એવું
તે શું ઓછું
પડ્યું આદેસમાં સાહેબ !
જાહોજલાલી સાયબી
નવલાખ મૂકી માળવા
કોણે
ગઝલ છેડી ફકીરી
વેશમાં સાહેબ !
કોરાઈ આરસમાં કદી તું ભોગ છપ્પન ભોગવે
વિલસે
કદી વાસ્તવરૂપે વિશેષમાં
સાહેબ !
હું દ્રાક્ષમંડપમાં વિહરતો વાયરો,
તું લહેરખી
સામે
મળીને આવશું આવેશમાં
સાહેબ !
ચાલો
શહેરી સભ્યતાની પાઠશાળામાં
હવે
ગમતું
નથી આ ગામઠી ગણવેશમાં
સાહેબ !
ઠાલા ! ગઝલને ગાળ મા દેજો, જરા સંભાળજો
એ છે ગિરાની સદ્યસ્નાતા રેશમા સાહેબ !
એ છે ગિરાની સદ્યસ્નાતા રેશમા સાહેબ !
No comments:
Post a Comment