ત્રિકુટીમાં તાળી

મુને લાગી  ગઈ  રે ત્રિકુટીમાં તાળી
એણે રામસાગરની લગની લગાડી

મળી  એક ક્ષણમાં જ દૃષ્ટિ નિરાળી
અને  સાવ  જુદી  જ  સૃષ્ટિ નિહાળી

ગરક થઈ જવાની ઘડી જયારે આવી
તરત  ટોળામાંથી  લીધા  તે ઉગારી

જતા  દૂર  ભાળી,  સહજ  રાડ  પાડી
તો સાબિત થઈ એ મરણચીસ કાળી

મહામૂલી  ધખના  'ને  વસ્તુ   અદૈહી
રહી   શોધ  બાકી,  રહ્યા  યત્ન  જારી

અહો ! ઊતરી ક્યાંથી વિવિધ રંગ-રમણા
કદી જોઈ  ના આવી ઝળહળ રુંવાટી

ભર્યો એક્ મૃત્યુએ સબડકો ચસોચસ
અને  રસ-છલકતું  થયું  પાત્ર ખાલી

(પ્રથમ પંક્તિ-સંદર્ભ સંત કવિ લખીરામ)