સહજ સાંભરે એક બાળા ગુણીજન ,
ગઝલ-ગીતની પાઠશાળા ગુણીજન.
પ્રણયની પઢી પાંચ માળા ગુણીજન,
ખુલ્યાં બંધ દ્વારોનાં તાળા ગુણીજન .
નહીં છત મળે તો ગમે ત્યાં રહીંશુ,
ભરો કિન્તુ અહીંથી ઉચાળા ગુણીજન .
કદી પદ-પ્રભાતી કદી હાંક, ડણકાં
ગજવતા રહે ગીરગાળા ગુણીજન
પડ્યો બોલ ઝીલે, ઢળે ઢાળ માફક
નીરખમાં ય નમણા, નિરાળા ગુણીજન
ધવલ રાત્રી જાણે ધુમાડો ધુમાડો
અને અંગ દિવસોનાં કાળા ગુણીજન
આ મત્લાથી મક્તા સુધી પહોચતા તો
રચાઈ જતી રાગમાળા ગુણીજન
aadbhu gazal
ReplyDelete