અવળી ચાલ (ગીત)
અવળી ચાલ, અજાયબ કેડા
એક જ ડગલે માપી લીધા ત્રણે કાળના છેડા.
ભાતભાતનાં ભાવભોજથી તસતસતાં તરભાણાં,
અબૂધની આગળ મૂકેલાં અઘરાં કોઈ ઉખાણાં;
ચાખે એ સહુ નાચે લઈને માથે નવ નવ બેડાં,
અવળી ચાલ અજાયબ કેડા.
ધખધખતી એક ધૂન ચડાવી લખીએ લખ સન્દેસા.
પગ થઈ જાતા પવનપાવડી, હાથ બન્યા હલ્લેસાં;
મીટઅમીટે એ જગ જોવાં, વિણ વાયક વિણ તેડાં,
અવળી ચાલ, અજાયબ કેડાં.
અવળી ચાલ, અજાયબ કેડા
એક જ ડગલે માપી લીધા ત્રણે કાળના છેડા.
ભાતભાતનાં ભાવભોજથી તસતસતાં તરભાણાં,
અબૂધની આગળ મૂકેલાં અઘરાં કોઈ ઉખાણાં;
ચાખે એ સહુ નાચે લઈને માથે નવ નવ બેડાં,
અવળી ચાલ અજાયબ કેડા.
ધખધખતી એક ધૂન ચડાવી લખીએ લખ સન્દેસા.
પગ થઈ જાતા પવનપાવડી, હાથ બન્યા હલ્લેસાં;
મીટઅમીટે એ જગ જોવાં, વિણ વાયક વિણ તેડાં,
અવળી ચાલ, અજાયબ કેડાં.
સંજુ ભાઈ,
ReplyDeleteએલીસ ઇન વન્ડરલેન્ડ જેવી મારી મનોદશા છે .
હું કેટકેટલી વસ્તુ નાં વખાણ કરું?
અદભુત ! આં સિવાય મારી પાસે શબ્દજ નથી.
મારું સદભાગ્ય છે કે મારા જીવતા મને છેલ્લે છેલ્લે સુંદર
કવિતાઓ અને ગઝલો વાંચવા મળે છે .
બહુજ આનંદ અને રસાસ્વાદ કરવાનો બાકી છે ભાઈ.
બસ આમજ આનંદ આપતા રહો.
અલીફ...