બાકી છે

ગૂંચ  જે પડી  નવી  ઉકલવી બાકી છે 

કીનખાબી ચામડીની પદવી બાકી છે

છે કથા રસાળ  કિન્તુ કથવી બાકી છે

જીવલેણ  ગાંઠ છે,  ઉપસવી બાકી છે

આ સભામાં કોની સામે આંગળી ચીંધો

આંખ સૌને છે, હા છે નિતરવી બાકી છે

તેલ  જોવું   છે  'ને   તેલધાર   જોવી  છે

હા, નિરાળી સુધ-સમજ નિખરવી બાકી છે

હા- માં હા કહ્યા જ કરવી યાને હા જી હા

બસ હવે આ  જીભ  જે કચરવી બાકી છે

સૌ  અવાજનાં  સ્તરોને  સાંભળી  લીધાં

પણ નિ:શબ્દ કોઈ ગુંજ ગરવી બાકી છે