આગ સાથે ખેલતા હે મિત્ર ! સંભાળો જરા !
સ્તંભને આલિંગતા હે મિત્ર ! સંભાળો જરા !
બાંધી રાખ્યા તે ભલે હો મેઘ કાચા તાંતણે
કિન્તુ અશ્રુ ખાળતા હે મિત્ર ! સંભાળો જરા !
તારી નસનસમાં વહે છે શું, પ્રથમ એ જાણી લે-
તથ્ય ને તળીએ જતા હે મિત્ર ! સંભાળો જરા !
છો રહ્યા એક્ જ સમયના સહરથી ‘ને સારથી
પણ ધનુર ટંકારતા હે મિત્ર ! સંભાળો જરા !
આવ, લે અણદીઠને
હું ઓળખું, સ્પર્શું જરા
ક્યાં સુધી આ દૂરતા ? હે મિત્ર ! સંભાળો જરા !
No comments:
Post a Comment